Stútfullur dagur

Ja það má með sanni segja að það sé nóg að gera í dag. Samt sem áður ætla ég að gefa mér tíma í að skrifa í bleika bloggið mitt.

Var upp í skóla að fylgjast með hreyfingum 10 mánaða barns. Mun svo þurfa að gera tilheyrandi skýrslu.

Er að fara upp á Landakot þar sem ég mun læra að nota TNS tæki í praksís. TNS er notað til þess að hamla sársauka boð, þ.e. deyfa verki. Það er einnig notað til að fá fram samdrátt í vöðva og þar af leiðandi styrkja hann.

Svo enda ég daginn með því að fara á sameiginlega undanfaraæfingu sem kópavogssveitin mun halda. Á þessari æfingu verða skyndihjálparverkefni og því ágætis tilbreyting frá fjallabjörgunaræfingunum sem eru nánast alltaf. Enda þarf maður að æfa sig í skyndihjálpinni.