Íþróttir og Halloween

Þar sem ég hef haft tækifæri á að horfa talsvert á sjónvarpið hérna úti undanfarna daga hef ég komist að því að aðal málið núna er "The Superball". Sumsé úrslitaleikirnir í hafnarbolta eru núna í gangi og allir eru að fylgjast með þeim, held að það lið sem er fyrr til að vinna fjóra leiki vinni mótið.

Annars virðist íshokkí vera íþrótt númer eitt hjá kanadamönnum. John sem býr með okkur ætlar á þriðjudaginn að kynna okkur fyrir leik sem ég hef aldrei heyrt um áður og kallast bara frisbí, veit reyndar alveg hvað frisbí diskur er en hef ekki heyrt um íþróttina. Allavega hljómar þetta spennandi og það verður bara að koma í ljós út á hvað þetta gengur.



Halloween er víst í kvöld og því má sjá grasker í búðagluggum og víðsvegar um strætin. Veit ekki alveg hvað fólk tekur þennan dag alvarlega, hvort fólk sé í fullum skrúðum. Var að lesa blað þar sem stelpa ætlaði að vera í poka með stórt símtól utan á sér og vera "booty call".