Rólegheit

Já síðustu dagarnir okkar í Rehab eru mjög rólegir. Reyndar þurfum við á föstudaginn að dansa afródansinn sem við lærðum um daginn fyrir verkjahópinn okkar. Það verður athyglisverð lífsreynsla ;) Já og næsti afródanstími er á föstudagskvöldið og ætlar Andree kennari að koma með okkur í þetta skipti.

Verkjahópurinn sem við erum búnar að vera með síðustu fjórar vikur er alveg snilldar hópur. Allir voða hressir og aktífir og stutt í hláturinn. Ein úr verkjahópnum var meira að segja búin að gera ráðstafanir fyrir okkur Elínu um að vera hjá hennar fjölskyldu yfir jólin þar sem hún vissi ekki að við færum heim.

Við kíktum í jólasokkinn okkar í dag og í honum var baðsápa og ilmefni, eins og lush vörurnar. Alltaf gaman að fá í skóinn, hélt að þeir dagar væru liðnir ;)